gevoo pdo - pgi

PDO do të thotë Markë Origjine e Mbrojtur. Prodhimi dhe procesimi i vajit të ullirit e cila është njohur nga Bashkimi Evropian si PDO, zhvillohet në një regjion të caktuar gjeografik. Vaji i ullirit që prodhohet aty ka veti specifike organoleptike të cilat janë veçori e atij ambienti gjeografik nga i cili buron dhe mban emrin e atij regjioni. Njohja e produktit si PDO bëhet nga Komisioni Evropian në bazë të disa procedurave strikte. Vaji i ullirit PDO kontrollohet nga Bashkimi Evropian për të vërtetuar nëse prodhuesi qëndron besnik dhe i përmbahet specifikave të kualitetit, dhe në këtë rast produkti mban një “vulë” specifike për të vërtetuar një gjë të tillë. Greqia ka të regjistruara 19 regjione si PDO.

PGI do të thotë Markë Gjeografike e Mbrojtur. Vaji i ullirit që ka “vulën” speciale PGI përmban kualitet dhe reputacion të një rajoni specifik ku janë prodhuar. Kultivimi i pemëve të ullinjëve si dhe shtrydhja e ullinjëve zbatohet në një rajon specifik gjeografik. Greqia ka 11 regjione të njohura si PGI.

Janë së paku pesë arsye se pse tregu ndërkombëtar duhet t’i përkrahë produktet me etiketën PDO dhe PGI:

• Këto produkte i takojnë kategorisë më kualitative të vajit të ullirit
• Këto produkte janë prodhuar me metoda tradicionale
• Legjislacioni strikt evropian garanton reputacionin dhe kualitetin e tyre
• Çdo produkt i PDO dhe PGI ngërthen në vete një histori që dëshmon specifikën unike të tij dhe kualitetin e lartë. Hulumto rrënjët e produktit: nga vjen, si është prodhuar, me çfarë zakone dhe tradita është i lidhur.
• Identifikohen lehtë në bazë të karakteristikave dhe logove të tyre që kanë ngjyrë të kaltër dhe të verdhë.